2024 жылы 8 қарашада Қостанай облыстық тарихи-өлкетану музейінде 19-29 маусым аралығында Амангелді және Жангелдин аудандарын этномәдени зерттеу және мониторингілеу бойынша өткен экспедицияның қорытындысынан көрме ашылды. Көрмеге жүзден астам жәдігерлер қойылды. Көрменің салтанатты ашылуында Қостанай облыстық тарихи-өлкетану музейінің басшысы Г.Е.Мендекинова, ҚР білім беру саласының құрметті қызметкері, «Ыбырай Алтынсарин» төсбелгісінің иегері П.Б.Сүйінкина, А.Байтұрсынұлы атындағы Қостанай өңірлік университетінің оқытушысы, тарих ғылымдарының докторы, профессор Д.М.Легкий, Амангелді ауданы Амантоғай ауылының тұрғыны Жүсіпова Төлеу сөз сөйледі. ҚР Ұлттық ұланның 6697 әскери бөлімінің сарбаздары, А.Байтұрсынұлы атындағы ҚӨУ-нің студенттері мен қала тұрғындары қатысты. Көрме бір ай бойы жұмыс істейді.
08.11.2024
Найдено новостей: 71566. Показано с 10561 по 10576