Октябрь полиция тобының инспекторы оқушылармен сұхбат жүргізді
Октябрь полиция бөлімінің ювенальды полиция тобының учаскелік полиция инспекторы, полиция аға лейтенанты Исакасов Ж.Е. “Буллинг және нашақорлықтың алдын алу” тақырыбында оқушылармен сұхбат жүргізді. Бұл іс-шараның мақсаты — жасөспірімдер арасында буллингтің (күш қолдану, психологиялық қысым көрсету) және нашақорлықтың алдын алу, сондай-ақ балалар мен жасөспірімдердің қауіпсіздігін қамтамасыз ету. Исакасов Ж.Е. өз сөзінде оқушыларға осы мәселелердің қоғам мен жеке адамға тигізетін зияндарын түсіндіріп, осындай жағдайлармен қалай күресуге болатыны жөнінде ақпарат берді. Сонымен қатар, заңды бұзудың салдары, құқықтық жауапкершілік пен құқық қорғау органдарының рөлі туралы сөз болды. Жасөспірімдермен ашық диалог орнатып, оларды мұндай қиындықтардан аулақ болуға және өз құқықтарын қорғауға шақырды.