«ҚАЭС» ЖШС, ҚР ЭНЕРГЕТИКА МИНИСТРЛІГІ ЖӘНЕ ВЕНГРИЯНЫҢ MVM КОМПАНИЯСЫ ӨКІЛДЕРІ ОНЛАЙН-КЕЗДЕСУ ӨТКІЗДІ
Келелі кеңес барысында атом энергетикасы саласындағы ынтымақтастық перспективалары талқыланды.
Кездесу барысында венгриялық компанияның сарапшылары өздерінің құрғақ градирня технологияларын таныстырып, кейін тараптар олардың Қазақстанның энергетикалық нысандарында қолдану мүмкіндіктерін қарастырды. MVM Group компаниясы туралы:
MVM – Венгрияның энергетикалық жүйесіндегі жетекші ойыншы, энергетика секторындағы барлық сегменттерді қамтиды, соның ішінде энергия өндірісі, тарату және сақтау.
Компания Венгрияда екінші, Орталық Еуропада алтыншы орында, елдегі электр энергиясының шамамен 70%-ын өндіреді.
MVM Венгриядағы жалғыз АЭС – «Пакш» станциясының иесі және оны басқарады. Бұл станция елдің энергетикалық қауіпсіздігін қамтамасыз етуде негізгі рөл атқарады. «Пакш» АЭС – Венгрияның атом энергетикасындағы ең маңызды нысаны, елдің және өңірдің энергетикалық балансында стратегиялық рөлге ие.
