Қазақстан атом энергетикасы саласындағы халықаралық ынтымақтастықты күшейтіп келеді.
2025 жылғы 19 мамырда Астанада Ядролық энергия жөніндегі халықаралық агенттік (МАГАТЭ) ұйымдастырған ядролық қондырғыларды орналастыруға арналған алаңдардың қауіпсіздігін бағалауға арналған бес күндік семинар басталды.
Іс-шараны ҚР Ядролық энергия жөніндегі агенттігінің қолдауымен «Қазақстандық атом электр станциялары» ЖШС ұйымдастырды. Семинарға ұлттық және шетелдік жетекші сарапшылар қатысуда.
Қатысушыларға құттықтау сөзін ҚР Ядролық энергия жөніндегі агенттігі төрағасының орынбасары Әсет Махамбетов пен МАГАТЭ сарапшылар тобының жетекшісі Ли Хен У жолдады. Олар қауіпсіздік мәселелеріне кешенді көзқарастың маңыздылығын атап өтіп, Қазақстанның ядролық инфрақұрылымды дамыту жөніндегі күш-жігерін қолдайтындарын білдірді.
«Біз ядролық қауіпсіздікке, қорғауға және ашықтыққа баса назар аударамыз. Қазақстан МАГАТЭ стандарттары мен үздік халықаралық тәжірибелерді берік ұстанады», — деді Әсет Махамбетов.
Семинар бағдарламасына табиғи және техногендік қауіптерді бағалау, нормативтік талаптар, сондай-ақ жұртшылықпен өзара әрекеттесу мәселелері бойынша дәрістер, практикалық сабақтар және пікірталастар кіреді.
Бұл семинар атом энергетикасын қауіпсіз және орн
ықты дамыту мен халықаралық әріптестікті нығайту жөніндегі стратегиялық бағыт аясында өтуде.