1 қыркүйек - Білім күні құтты болсын!!!
Аудан орталығындағы № 1 жалпы білім беретін орта мектептегі алғашқы қоңырау өз сән-салтанатымен оздырылды.
Жиында мектеп директоры Сапар Мамбеталиев көпшілікті жаңа оқу жылының басталуымен құттықтап, мектептің алдағы оқу жылына дайындығын мәлім етіп, «Мектепке жол» республикалық акциясының ауқымында аз қамтылған оқушыларға оқу құралдарын алып беруге көмектескен мекеме ұжымдарына алғысын білдірді. Алғашқы қоңырау салтанатында мектеп табалдырығын бірінші рет аттағалы отырған балдырғандар алаңда can түзеп өтті. Салтанатты шарада «Қазпошта» АҚ Батыс Қазақстан облыстық филиалының директоры Бауыржан Қамешев жиналған қауымды құттықтап сөз сөйледі. Жиын барысында білім ордасының үздік оқушылары алғыс хаттармен марапатталды. Салтанат соңы жас өрендердің өнеріне ұласты.
