Шағын орталықтағы "Алтын күз" кеші
Мақсаты: Алтын күз мерекесін өткізу. Күз туралы түсініктерін кеңейту. Балаларға мерекелік көңіл-күй сыйлау. Көрнекіліктер: Залдың іші күз мерекесіне сай безендірілген. Жапырақтардың суреттері, күз жармеңкесі, яғни жемістер мен көкөністер салынған себеттер. Әдемі сазды әуен ойналып тұрады, балалар тәрбиешімен бірге кіріп орындықтарға жайғасады. Жүргізуші: Құрметті қонақтар, ұстаздар! «Алтын күз» атты ертеңгілігіне қош келдіңіздер! Армысыздар, халайық, Бармысыздар, халайық! Күзгі тойды жүп жазбай, Бірге қарсы алайық! Жүргізуші: Балалар, бүгін барлығымыз күз мерекесіне жиналдық. Қонақтар да келді. Бірақ біздің мерекеге біреу жетіспейді.Сендер білесіндер ме ол кім? Балалар: Ол күз. Жүргізуші: Ендеше күзді ортаға шақырайық. Бірге: Берекелі күз келді, мерекелі күз келді. Күз: Сәлеметсіндер ме, балалар! Балалар: Сәлеметсіз бе, Алтын күз! Күз: Береке бақ дарыған, жомарт көңіл жарқын жаз. Сары алтынға малынған, Алтын күз деген мен болам. Армысыздар , құрметті қонақтар, кішкентай бүлдіршіндер! Мен мерекеге кешігіп қалдым ба? Балалар: Жоқ. Жүргізуші: Шоғы толған гүлдей жайнап Шақырады жарқын жүз Сайрандаған күліп-ойнап, Келді міне Алтын күз! Күз: Балалар, сендерді көргеніме қуаныштымын. Мен сендерге бір жұмбақ жасырайын. Ағайынды бәрі Шықса жасыл Түссе –сары. Бұл не? Балалар: Жапырақ. Күз: Дұрыс таптындар, жарайсындар! Жүргізуші: Алтын күз , біздің балалар күз туралы өлен, тақпақтар біледі. Сіз жәйланып отырып, балалардың өнерін тамашалаңыз. Ән «Күз» Іңкәр: Ой , балалар ,балалар Қоңырқай күз болыпты Құрап жапырақ салыпты. Ел егінін орыпты Ерқанат Күзім-ау, күзім-ау! Мінезің бұзық-ау Жаңбырың сіркіреп, Келгенің қызық-ау! Нұрай Нан анасы –бидаймын Елге астық сыйлаймын Дәнім толып піскенде Қауызыма сыймаймын Ән «Тәтті бала» Жүргізуші: «Қолшатыр» биі ( Іңкәр ,Нұрай) Ерқанат Гүл жайнаған даланың, Жапырағы солыпты. Таңырқадым, қарадым, Танымастай болыпты. Іңкәр Алтын, сары, қызыл, көк, Алуан-алуан жапырақ. Күзгі бақта күлімдеп, Көз тартады атырап. Нұрай Жүзім, алма жинаймыз, Алтын мақта тереміз. Үлкендерді сыйлаймыз, Көмектесе береміз Жүргізуші: Қане, балалар, осындай молшылық күз айында бір ойын ойнап жіберейік. Ол ойын «Кім жылдам?» деп аталады. Ойынның шарты бойынша ұлдар бір себетке көкөкністерді жинайды, ал қыздар екінші себетке жемістерді жинайды. Ойын «Кім жылдам» Би: «Жапырақтар» Жүргізуші: Жемістерді қарсы алайық (Осы кезде әуен ойналады, ортаға жемістер шығады) Алмұрт Мен алмұртпын, алмұртпын Аузындамын бар жұрттың. Жүзім Мен жүзіммін, жүзіммін Моншақ болып тізілдім . Өрік Мен өрікпін, өрікпін Табиғатқа көрікпін. Алма Мен алмамын, алмамын Тандайда қалар бәр дәмім. Күз: Өте тамаша, балалар! Кәзір менімен ойын ойнайсындар ма? Ойынның шарты: Көзді байлап, қолмен сипап-сезу арқылы қандай жеміс екенің табу. «Шалқан» -орыс халық ертегісі «Алтын күз» өлеңін тамашалыныздар Жүргізуші: Алтын күз, балалардың өнерлері ұнады ма? Күз: Рахмет, балалар, маған мереке қатты ұнады. Ал енді менің орманға баратын уақытым болды Берекелі бақ-дәулет, Арта түссін тойланып. Сау болындар, балалар, Келгенше жыл айналып Ал, тәрбиеші апай, менің балаларға әкелген сыйлығым бар еді. Мен соны сізге берейін балаларға таратып берінізші. Жүргізуші: Осымен, Алтын күз мерекесіне арналған ертеңгілігіміз аяқталды. Тамашалағандарыңызға рахмет!