Новости платформы

ҚР Ақпарат және қоғамдық даму министрлігінің қолдауымен «Қазақстандық қоғамдық даму институты» КеАҚ «Балалар жылы» шеңберінде балалардың кітап оқуға деген құштарлығын арттыру, қазақ және шетел әдебиетін терең зерттеуге шақыру мақсатында Республикалық балалар оқулары байқауын өткізеді.

Байқаудың І кезеңі (аудандық/қалалық) 23 қыркүйекте өңірдегі аудан және қалаларда ұйымдастырылады.

Байқаудың ІІ кезеңі (облыстық) 14 қазанда кемінде 17 облыс пен 3 республикалық маңызы бар қалаларда өткізіледі.

Байқаудың IІІ кезеңі (республикалық) 2 қарашада өткізіледі. Нәтижесінде 1 орынға ноутбуктер, 2 және 3 орынға смартфондар табысталады, дәрежелі диплом және бағалы сыйлықтармен марапатталады.

Байқауға Қазақстанның барлық орта білім беретін мектептерінің 3-10 сынып оқушылары қатыса алады. Оқушылар жас ерекшелігі мен оқу бағдарламасына сәйкес «Әдебиет порталы» интернет-жобасында жарияланған, қазақстандық және шетелдік кітаптардың сілтемелері арқылы әдеби кітаптарды оқып, сол кітаптар негізіндегі тапсырмаларды орындайды.

3-4 сынып – «Ертегілер әлемінде» тақырыбында бастауыш сынып оқушыларына арналған кітаптар («Қазақ ертегілері» https://adebiportal.kz/web/viewer.php?file=/upload/iblock/858/8582d39c6debac017cd4e3c5ae03ccd7.pdf&ln=kz және «Алпамыс батыр» ертегілері https://adebiportal.kz/web/viewer.php?file=/upload/iblock/1f0/1f0e1d651f684d093169ed78e11a8bbc.pdf&ln=kz );

5-6 сынып – «Кел, балалар, оқылық!» тақырыбында орта буын оқушыларына арналған кітаптар («Мен – апамның баласымын» https://adebiportal.kz/web/viewer.php?file=/upload/iblock/763/763980a119e303bc07bd07ac9c86588b.pdf&ln=kz және «Ағайынды Гриммдер ертегілері» https://adebiportal.kz/web/viewer.php?file=/upload/iblock/ab8/ab836b25f47bc3e78779580bb3f97bd1.pdf&ln=kz );

7-8 сынып – «Ғасырлар тарихты жырлайды» тақырыбында жасөспірімдерге арналған кітаптар («Ұшқан ұя» https://adebiportal.kz/web/viewer.php?file=/upload/iblock/5e1/5e13518fb629e466f3a930c56af4d672.pdf&ln=kz және «Гулливердің саяхаты» https://adebiportal.kz/web/viewer.php?file=/upload/iblock/ace/aceae4949f3ab62c32017a47b7f332d8.pdf&ln=kz);

9-10 сынып – «Ұлы Дала жырлары» және «Ұлы Дала ұлағаты» тақырыбында жоғары сынып оқушыларына арналған кітаптар («Көшпенділер. Алмас қылыш», І. Есенберлин https://adebiportal.kz/.../koshpendyler-almas-kylysh__820 және «Робинзон Крузо», Даниэль Дефо https://adebiportal.kz/web/viewer.php?file=/upload/iblock/d7b/d7bea6d2a6c85dc0ab54d4bd5d9f48e8.pdf&ln=kz) .