«1920-1923 жж. Гурьев уезі зиялыларының өкілдері» атты құжаттар жинағының редакциялық алқа отырысы
2021 ж. 17 наурызда Атырау облысы мемлекеттік архивінде «Архив — 2025» жобасы аясында дайындалып жатырған «1920-1923 жж. Гурьев уезі зиялыларының өкілдері» атты құжаттар жинағының редакциялық алқа отырысы өтті.
Атырау облыы мемлекеттік архивінің басшысы Серік Қуаныш редакциялық алқа мүшелерін жинақтың концепциясымен, басты идеяларымен, құрылымымен, негізгі материалдарымен таныстырды. Кездесу барысында редакциялық алқа мүшелері Аққали Ахмет, Өтепберген Әлімгереев, Аманғали Әміржанов, Орақ Деңгелбаев, Жұмабай Доспанов, Төлеген Жаңабаев, Назарбек Қосшиев, Шахман Нағимов, Раиса Тастемирова, Әбілхан Төлеушов ұсыныс-пікірлерін айтып, өз ойларымен бөлісті.
Құжаттар жинағының негізгі сұлбасын 31-мамыр — Ашаршылық және қуғын-сүргін құрбандарын еске алу күніне орай дайындау және баспасөз ақпарат құралдары арқылы облыс оқырмандарымен таныстыру мәселесі айтылды.