Болашаққа деген қамқорлықпен және ізгі істердің күші бар екеніне сеніммен мектебімізде «Табиғатты бірге тазалайық!» атты экологиялық челлендж бастау алды. Бұл бастаманың басты мақсаты — қоршаған ортаның ластану мәселесіне назар аудару және табиғатты тазарту ісіне бейжай қарамайтын жандарды біріктіру. Бір апта бойы әртүрлі сынып оқушылары мен мұғалімдер мектеп аумағын тазартуға шықты. Әрбір қатысушы қоршаған ортаны қорғау сияқты маңызды іске үлес қосты. Тазартылған аумақтар, жағымды эмоциялар мен естелік суреттер — бұл біздің бірлескен жұмысымыздың нәтижесі. Бұл челлендж жай ғана акция емес, ол — шабыттандыратын және біріктіретін нағыз қозғалысқа айналды. Таза планета — әрқайсымыздан басталады. Осындай игі бастамалар жақсы дәстүрге айналсын!
12.06.2025
2025 жылғы 4 маусым күні «№8 орта жалпы білім беретін эстетикалық тәрбие мектеп-кешені “ КММ Мемлекеттік рәміздер күніне арналған іс-шаралар жоспары аясында бірқатар маңызды тәрбиелік мәні зор шаралар өткізілді. Мектеп алаңында оқушылар Қазақстан Республикасының Мемлекеттік Гимнін бірыңғай орындап, елге, жерге деген сүйіспеншілік сезімдерін паш етті. Бұдан кейін «Қазақ рәміздерін білесің бе?» атты зияткерлік викторина ойыны ұйымдастырылып, оқушылар мемлекеттік рәміздер туралы білімдерін сынады. Іс-шараның негізгі мақсаты – жас ұрпақтың бойында отансүйгіштік қасиеттерді қалыптастыру, туған жерге деген махаббат пен құрметті арттыру, елдің тарихына, мемлекеттік тіл мен рәміздерге деген мақтаныш сезімін ұялату болды. Оқушылар викторина сұрақтарына белсенді түрде жауап беріп, өз білімдерін, ой-өрісін көрсете білді. Іс-шара соңында ұйымдастырушылар: "Қазақстан – өз тарихы, мемлекеттік тілі, Конституциямен бекітілген рәміздері бар, болашағы кемел, тәуелсіз мемлекет!" – деген ұранмен қорытынды жасады.
12.06.2025
Жаз – бала жүрегінің шаттыққа толатын шағы. Ал жазғы мектеп жанындағы лагерь – сол шаттықты еселейтін, әрбір баланың арманына қанат бітіретін сиқырлы әлем іспетті. Бұл – тек демалыс емес, бұл – өнер мен достықтың, шығармашылық пен қуаныштың тоғысқан мекені. # 8 орта мектеп жанынан ашылған «Кемпірқосақ» жазғы сауықтыру алаңы – балалардың жанын шуаққа бөлеген ерекше жоба. Мұнда әр таң – қуанышпен, әр күн – жаңалықпен басталады. 2 маусым күні мектеп қабырғасында жай күн емес – нағыз мереке, шаттыққа толы сиқырлы сәт болды. Алаңның ашылу салтанаты балалардың күміс күлкісіне, ән мен биге, жұмбақ пен ойынға толы өтті. Әрбір бала өз бойындағы шығармашылықты еркін көрсетті, әр топ – өз алдына шағын бір әлемге айналды. Шаһардың әр бұрышына сапар шеккен балалар «Батыр өнімдері» орталығында дәм татып, ботаникалық бақтың жасыл әлемінде тыныстап, тұзды үңгірдің емдік ауасымен дем алды. Өрт сөндіру бөліміндегі батыр мамандармен танысып, виртуалды әлемге де саяхат жасады. Әрбір сәт – әсерлі, әрбір қадам – есте қаларлық! Балалардың жарқыраған жанары, еріндеріндегі самалдай жеңіл күлкі – осы күннің басты жетістігі. «Кемпірқосақ» тек аты ғана емес, шын мәнінде әр баланың көңіліне бояу сыйлаған нағыз бақыт кемпірқосағына айналды.
12.06.2025
Найдено новостей: 67590. Показано с 353 по 368