Новости платформы

Астана қаласы мектептерінің  6-сыныптарының 94 оқушысы Математикалық ауызша олимпиадаға қатысты. 

Астана қаласы мектептерінің  6-сыныптарының 94 оқушысы 2013 жылы 25 желтоқсанда Астана қаласы Физика-математика бағытындағы Назарбаев Зияткерлік мектебі мен Астана қалалық Білім басқармасы бірлесіп ұйымдастырып өткізген Математикалық ауызша олимпиадаға қатысты. 

Олимпиада мақсаты: математика пәнін оқып-үйренуге  және оқушылардың ауызша математикалық сөйлеу қабілеттерін дамытуға ынталандыру. Астана қалалық Білім басқармасының әдіскері Г.И.Канапьянова өз сөзінде аталған олимпиаданы табысты өткізуге тілегін білдірді.

   

Қалалық олимпиада 2 тур бойынша өткізілді. Бірінші тур -іріктеу туры (15 сұрақтан тұратын тест), тест нәтижелері бойынша 31 оқушы 2- турға өтті. 2- тур  негізгі тур болып есептелді (5 есептен тұрады). Екінші турда оқушылар есептерді шығарып қана қоймайды, өздерінің шешімдерін түсіндіріп, өз жұмыстарын қорғайды.

Оқушылар олимпиадалық тапсырмалар орындап жатқанда, жалпы білім беретін қала мектептерінің математика пәні мұғалімдері Зияткерлік мектептің математика мұғалімдері өткізген әдістемелік семинарлар мен мастер-кластарға қатысты. Өткізілген әдістемелік шаралар: «Математика пәнін оқытуда интернет-ресурстарды қолдану және сыныптан тыс жұмыстар»  (Абілқаева С.Ш., Жампеисова Г.Д.), «Олимпиадалық есептердегі графалар» (Аянбаев Б.Т.), «Табысты стратегиялар» (Эсанбаев Г.К.), «Комбинаторлық есептер» (Қожахметова Г.Б.).

2 - тур тапсырмалары талданып, қорытынды шығарылғаннан кейін олимпиада жеңімпаздары жарияланды. 13 оқушы 2,3- орындарды иеленді.

1- орынға екі оқушы шықты. Олар: № 22 ОМ оқушысы Баймұханов Батырхан (мұғалімі - Мелентьева Ольга Юрьевна)  және  № 37 ОМ оқушысы Жақсылықова Гүлназ (мұғалімі - Амірханова Төлеу Қажақпаровна).

№ 60 ОМ оқушысы Панов Азамат «Абсолютті жеңімпаз» атанып, Бас сыйлықты жеңіп алды (мұғалімі- Петрова Елена Васильевна).

Барлық жеңімпаздарға сыйлықтар және дипломдар ұсынылды, қатысушыларға сертификаттар берілді.