Сайын даланың сарбаз қырандары
ҚР Қарулы Күштерінің 22 жылдық және Ұлы Жеңістің 69 жылдық мерекесі құтты болсын!
Мектебімізде оқушыларға отансүйгіштік, адамгершілік және патриоттық тәрбие беру мақсатында 2014 жылдың 6 мамыр күні «Сайын даланың сарбаз қырандары» тақырыбымен көлемді іс-шара өтті.
ҚР Қарулы Күштерінің 22 жылдық және
Ұлы Жеңістің 69 жылдық мерекесі құтты болсын!
Мектебімізде оқушыларға отансүйгіштік, адамгершілік және патриоттық тәрбие беру мақсатында 2014 жылдың 6 мамыр күні «Сайын даланың сарбаз қырандары» тақырыбымен көлемді іс-шара өтті.
«Мектеп түзел! Тік тұр! Қазақстан Республикасының мемлекеттік әнұраны ойналсын!»,- деген жігерлі ұраннан басталған іс-шара барысында 9а сынып оқушылары азаматтарын қан майданға шығарып салып, отбасында қалған аналардың тылдағы еңбек өмірінен көріністер көрсетті.
Соғыс жалмап аға - іні бауырды,
Зар жылатты тыныш жатқан ауылды.
Жалғызынан айырыпты ананы,
Әкесінен айырыпты баланы, - өлең жолдарын тыңдай отырып, М.Арапбаеваның орындауындағы «Ана туралы баллада» әні әр көрерменнің көзіне жас үйірді.
Одан әрі қазақстандық батырлардың ерлік істері туралы өлеңдер оқылып, бастауыш сынып оқушылары батыр қыздар - шығыстың қос жұлдызы туралы әндерін шырқады.
Іс-шараның екінші бөлімінде мектептің алғашқы әскери дайындық пәні мұғалімі Х.Өрендик құттықтау сөз алып, 10 сынып оқушыларның әскери дайындықтарынан хабардар етті.
Іс-шараның үшінші бөлімінде оқушыларымыз мектеп-гимназия ер –азаматтарын мерекемен құттықтап, сазды сәлем жолдады.
Іс-шара соңында қатысушылар сахнаға көтеріліп, «Ақ көгершін» әніне қосылып тұрып:
Ел тілегін алып ұш,
Адамзаттың бағына.
Қара бұлтты жарып ұш,
Мұхиттың арғы жағына,- деп қол бұлғады.
 |