Ұлы Жеңіске арналған іс-шаралар
Ұлы Жеңіске арналған іс-шаралар
№59 мектеп-лицейінде Ұлы Жеңістің 69 жылдығына арналған іс-шаралар ұйымдастырылды.Мектепке ҰОС ардагерлері шақырылып,құрмет көрсетілді.Лицей мұғалімдері ардагерлердің үйлерін аралап,мектеп-лицейінің әкімшілігі,ата-аналар мен оқушылар атынан ол кісілерді Ұлы Жеңіс күнімен құттықтап,сый-сияпаттарын көрсетті. Сондай-ақ салтанатты саптүзеу ұйымдастырылып,лицей директоры Зауре Ғинаятқызы мектеп ұжымын мерекемен құттықтады. "Ақ сұңқар" патриоттылық клубы өз өнерлерін көрсетті. Сыныптар арасында саптүзеу байқауы ұйымдастырылды. 6 "А" сыныбында өткізілген "Ер есімі-ел есінде" атты кездесу кешіне ҚР Ауғаныстандағы соғыс ардагерлерінің "Ауғаныстан ардагерлері" Республикалық Қоғамдық бірлестігі төрағасының орынбасары,"Батыр" журналының бас редакторы Ғалеев Ерсайын Ерназарұлы,ауған соғысының ардагері Маханов Жангелді шақырылды.
