І Республикалық «Әкелер Одағы» слеті
І Республикалық «Әкелер Одағы» слеті
Астана қаласының №59 мектеп-лицейінде мектеп директоры Зауре Ғинаятқызы Жусупованың бастамасымен 2011 жылы Әкелер кеңесі құрылған болатын. Негізгі мақсаты – отбасындағы әкенің орнын,беделін арттырып қана қоймай бала тәрбиесінде әкелер міндетін ұлттық дәстүр негізінде қалптастыру.
27 тамыз 2012 жылы Әділет Министрлігінің қолдауымен әкелер кеңесінің атқарған жұмыстары кеңейіп, Әкелер Одағы қоғамдық бірлестігі болып құрылды.
Жыл сайын Әкелер Одағының жұмыс нәтижелерін көрсету және әкелердің бала тәрбиесіндегі белсенділігін арттыру мен мемлекетке қоғамдық қолдау көрсету мақсатында әкелер слеті ұйымдастырылады.Слетке қала мектептерінің әкелері жиналып,ұрпақ тәрбиесінің өзекті мәселелері жан-жақты талқыланады.
Биылғы жылы астаналық 3 жылдық Әкелер слетінің негізінде Республикалық деңгейдегі Әкелер слеті ұйымдастырылды.Мақсаты - Балаларды қоршаған ортаға бейімдеу,отбасылық қарым-қатынас пен рухани-адамгершілік дәстүрлерді қалыптастыру мен сақтаудағы әкенің рөлін жоғарылату; Отбасы,мектеп,жергілікті басқару органдары мен қоғамдық ұйымдардың өзара белсенді қарым-қатынас жасауына назар бөлу,жасөспірімдердің тәрбиесіне ер азаматтарды тарту.
Астана қаласының Білім басқармасы мен «Әкелер Одағы» қоғамдық бірлестігінің қолдауымен ұйымдастырылған І Республикалық әкелер слеті Астана қаласындағы Махамбет Өтемісұлы атындағы Оқушылар сарайында 2014 жылдың 19 мамырында өткізілді. Слетке Атырау, Қарағанды, Қостанай,Сәтпаев қалаларынан әкелер делегациялары келді.
СлеттеҚР Мәжіліс депутаты,Халық қаһарманы Бақытжан Ертаев, Астана қаласы мәслихатының депутаты, «Нұр Отан» партиясы Астана қалалық филиалы төрағасының орынбасары М.Ә.Оралов,«Абайтану» орталығының директоры, ақын, Қазақстан Жазушылар одағының мүшесі Алмахан Мұхаметқалиқызы қатысып құттықтау баяндамалар мен құттықтау сөздерін сөйледі.
Қазақстан Республикасы Парламентінің Мәжіліс депутаты Бақытжан Ертаев ұрпақ тәрбиесіндегі Әкелердің орны ерекше екендігіне тоқталып,келешекте №59 мектеп-лицейінде негізі қаланған «Әкелер Одағы» қоғамдық бірлестігімен тығыз жұмыс жасауға ниетті екенін білдірді. Сөз соңында №59 мектеп-лицейінің дтректоры Жусупова Зауре Ғинаятқызына Отан қорғаудағы және жастарға патриоттық тәрбие беру жолындағы ерекше еңбегі үшін Кеңес Одағының батыры Сабыр Рақымов медалін табыс етті. Сондай-ақ директордың тәрбие ісі жөніндегі орынбасары Гүлшат Заитқызы Қалтаеваға жастарды патриоттылыққа тәрбиелеу жолындағы ерекше еңбегі үшін Құрмет грамотасын табыстады.
Слет жұмысы 3 кезеңнен тұрады.
- Пленарлық отырыс
- Секциялық жұмыстар
- Қорытынды резолюция
Секциялық жұмыстарда талқыланатын өзекті мәселелер - әкелер тәрбиесі арқылы рухани ұлттық тәрбие,яғни,қан тазалығы,текті білу мәселелері,патриоттық тәрбие беру – қазіргі жастар Отан алдындағы борышын атқаруға неге құлықсыз? Бұған әкелердің ықпалы қандай? Дені сау ұрпақ,салауатты өмір салтын ұстануға байланысты аула клубтарын көркейту мәселелері мен балалардың қауіпсіздігін қамтамасыз ету.