Мәңгілік тағзым
Саяси қуғын-сүргін және ашаршылық құрбандарын еске алу ескерткіші алдында жиналғандар арасында біздің мектеп оқушылары мен ұстаздары.
Зұлмат жылдары құрбандарын еске алу рәсімінен соң оқушыларымыз зарлы жылдардағы нәубет төркініне, себептері мен салдарына үңілді, өлеңдер оқыды. Алаш қайраткерлерінің өміріне, азаттық жолындағы қасіреттеріне тоқталды. Зобалаң жылдары қаңғып қалған жетім балалар, ойрандалған отбасылар, күңіренген кәрі, жас аналар туралы төбе құйқаңыз шымырлайтын не бір деректер келтірілді. 100 мыңнан астам қазақстандық саяси қуғын-сүргін құрбандарына айналғанын, 3 миллионға жуық халқымызды қырып кеткен ашаршылық әлі де толық ғылыми тұрғыдан бағалана қойған жоқ. Алаш азаттығы жолында арпалысып, құрбан болған ерлерді еске алуға келген Оңтүстік Қазақстандық ақын Айыпберген Балтабайұлы оқушыларымызбен ой бөлісіп, іс-шараға ризашылығын білдірді.
