1 сынып ата-аналарына психологиялық көмек
Қазақстандық отбасылардың тәрбиелік әлеуетін арттыру, отбасы проблемаларына назар аудару – мемлекеттік басым бағыттардың бірі, біздің мемлекетіміздің өркендеуінің кепілі!
Отбасы мен мектеп ынтымақтастығының берік іргетасын қалау мақсатында 14 қыркүйек күні сағат 10.00-де мектебіміздеҚазақстан Республикасы Білім және ғылым министрлігі, Отбасылық Тәрбиелеу Институтының тапсырысы бойынша мектеп табалдырығын аттаған бүлдіршіндердің ата-аналарына арналған «Бірінші сынып оқушыларының ата-аналарына психологиялық көмек» тақырыбында республикалық конференциясы өтілді.
«Нұр Отан» партиясының атынан ата-аналар жиналысына «Нұр Отан» партиясы Орталық аппаратының өкілі М.Е.Сералиев қатысып, жиналысқа қатысушы ата-аналарға құттықтау лебізін білдірді. Мектеп директоры Умарова Алма Қайрбулатқызы Қазақстан Республикасы Білім және ғылым министрлігінің вице-министрі Иманғалиев Есенғазы Нұртөлеуұлының, Отбасылық Тәрбиелеу Институтының атынан сәлем хаттарын оқыды. Отбасылық тәрбие саласындағы мемлекеттік біліктілікті арттыру бағдарламасының түлегі психолог Базарбаева Гүлжайна Бердіғұлқызы ата-аналарға бала тәрбиесіне байланысты кеңестер берді. Отбасылық тәрбие жөнінде бейнероликтер көрсетілді, ата-аналар сауалнама толтырды. Жиналыс соңында ата-аналарға жаднама таратылды.
Комментариев нет
Просмотров: 626