Естен кетпес кездесу
Таяуда мектептің салтанат залында Қ.Қуанышбаев атындағы Мемлекеттік академиялық қазақ музыкалық драма театрының әртістерімен 6-11 сынып оқушыларының кездесуі болып өтті.
Белгілі өнер саңлақтары Бақыт Исабекова, Жанқалдыбек Төленбаев, Сая Тоқманғалиева және Қазақстан Республикаының еңбек сіңірген қайраткері Ерлан Малаев театр өнері туралы оқушыларға кеңінен әңгімелеп берді. Мектеп оқушыларының қардай жауған сұрақтары өнер адамдарын тәнті етіп, жастық шақтарын еске түсірді.
"Бәйтерек тобының әншісі Ерлан Малаев өз репертуарынан екі ән орындап, балалардың көңілінен шықты.
Кездесу соңында сөз алған мектеп директоры Жакенбай Шәріпхан Қажытайұлы қонақтарға зор денсаулық, шығармашылық табыс тіледі.
Өнер саңлақтарымен бірге фотосуретке түсіп, қолтаңба алған оқушылар көтеріңкі көңіл - күймен тарасты.
Біздің мектебіміз бен театр ұжымының өзара қарым-қатынасы тереңдей түсуде.
