Новости платформы

Астана қаласының әкімдігінің МКҚК «Көпбейінді колледжі» қабырғасында 1-ші қыркүйек білім күніне арналған  «Менің Отаным» тақырыбында «Сыңғырла, күміс қоңырау!» атты іс-шара өткізілді. Биылғы оқу жылымыз еліміздегі Ата заңымыздың 20 жылдығы, Қазақ хандығының 550- жылдығы, Ұлы жеңістің 70- жылдығы, Қазақтың дана да, дара Абайының 170 жылдығы сияқты мерекелермен қатар келген айтулы жыл. Биылғы жыл өзінің өмірін туризм, тамақтандыру, көлік жөндеу саласымен байланыстыруға ниет білдірген жастар колледжіміздің бірінші курсына қабылданды. Студенттерімізді құттықтау үшін,  Астана қаласы, Білім басқармасының кәсіптік білім беру және кадрларды даярлау бөлімінің кәсіби біліктілігін жоғарылату әдіскері Исина Нагима Саткенқызына арнайы келді.

Сонымен қатар жаңа оқу жылымен Қазақстан Республикасының білім беру саласының үздігі, Қазақстан Республикасының білім беру саласының құрметті қызметкері, Қазақстан Республикасының құрметті архитекторы, тарих ғылымдарының кандидаты, Астана қаласы Көпбейінді колледжінің директоры Ташенов Серик Балтыханұлы өз лебізін білдіріп, студенттерімізге ақ жол тіледі. Мерекелік іс-шара әсем әнмен, құттықтаулармен жалғасты.

Теги:  div » img,