«Мен және менің достарым» тренингі
Астана қаласының №27 мектеп-лицейінің әлеуметтік-психологиялық қызметі атынан педагог-психолог А.М.Нургожина және 2 «Б» сыныптың сынып жетекшісі Н.В.Гаркушинаның қатысуымен 2 «Б» сынып оқушыларына «Мен және менің досым» атты тақырыпта тренинг сабағы өткізілді.
Тренингтің мақсаты: сыныпта достық қарым-қатынасты, бір-біріне көмектесу сезімін, сенімділікті қалыптастыру және балалардың бір-бірімен ашық қарым-қатынас орнатуға бағыттау.
Міндеттері: тренинг барысында сыныпта жағымды атмосфераны құру; балалар арасында өзара түсіністікті қалыптастыруға баулу; ынтымақтастықты, топтық сенімділікті және бір-бірін қабылдауды үйрету.
Іс-шара сыныпта достық қарым-қатынасты қылыптастыруға және жақсы эмоциялар мен сезімдерді дамытуға, коммуникативті қарым-қатынас орнатуға бағытталған. Оқушылар тренингке белсеңді қатысты, өйткені әр түрлі әдістер қолданылған еді: ойындық жағдайлар, қозғалатын жағдайлар және т.б.
Тренинггтің мазмұны оқушылардың жас ерекшеліктеріне сай келеді, өйткені 2 сыныпта балалардың коммуникативті қарым-қатынастарын қалыптастыру қажет, сонымен қатар достыққа құндылықпен қарауға, бір-бірімен әңгімелесуге, сөздерін бөлмеуге үйрету қажет.
Тренинг жоғары эмоционалды деңгейде өтті. Іс-шараны өткізу барысында топпен, ұжыммен жұмыс жасау, креативті ойлау сияқты қабілеттері байқалды.