Новости платформы

Ғ. Орманов атындағы №7 мектеп-гимназиясында жас мамандарға әдістемелік көмек көрсету мақсатында «Ұлағат» шығармашылық ұстаздар тобының ұйымдастыруымен «Жаңартылған білім мазмұны бойынша оқытудың тиімді жолдары» тақырыбында апталық ұйымдастырылды. Осы апталық аясында 19.10.2022ж. Қанағатова Мадина Нұрланқызы 4 «Ғ» сыныбында жаратылыстану пәнінен «Қоректік тізбек түрлері» тақырыбында ашық сабақ өткізді. «Ыстық алақан» әдісі арқылы оқушылардың арасында ынтымақтастық орта орнатты. Сабақ барысында шығармашылық және сын тұрғысынан ойлау, проблемалық жағдаяттарды шешу, зерттеу дағдыларын қалыптастырды. "Галереяға саяхат" әдісі арқылы топтық тапсырмалар орындалды. Берілген озық міндеттерге зерттеу жүргізу нәтижесінде кішкентай зерттеушілер тапсырмаларды саралап, дәлелдеп, қорғады. Балалардың ойын ашық айтуға бағытталған тапсырмалар оқушылар белсенділігін тудырды. Оқу мақсатына жету үшін әр тапсырманың соңында «Ақылды үкі» әдісімен кері байланыс бере отырып, өзін-өзі бағалау, бірін-бірі бағалау, топтық бағалау жүргізілді.