«Алтын Күз» мерекесі
Күз – адам баласына молшылық, береке әкелетін мезгіл, сондықтан да адамдар күзге берекелі күз, алтын күз деп баға берген.
Алтын, себебі біріншіден айналаның бәрі сап-сары бояуға малынған, екіншіден, алтын – байлықтың белгісі, екеуін астастырып, «Аяулы күз , алтын күз» деп атаған. Күзде егінді жинап болған ата-бабаларымыз «Сабан той» деп күз берекесін тойлаған. Қарақамыс негізгі мектебінің оқушылары 13.10.2023 ж. «Алтын Күз» мерекесін атап өтті. Мақсаты: балалардың күз туралы түсініктерін бекіту, жыл мезгілдерінің ерекшеліктерін байқату, табиғатты аялауға, қоршаған ортаны, Отанын сүюге, әдемілікті көре білуге, сезінуге тәрбиелеу. Әр сынып оқушылары жоспарға сай сайыстарға белсене қатысып, әр номинация бойынша марапатталып өтті. Ерекше күзгі кештің көзайымы болған, шығармашылығы мен тапқырлығына тәнті болған әділқазылар алқасы 5,7-сынып оқушыларына Гран-При жүлдесін тағайындады.
