Біз бірге есте сақтаймыз, біз бірге махаббат пен ынтымақтастық арқылы емдейміз!
19 мамыр-Дүниежүзілік ЖИТС-тен қайтыс болғандарды еске алу күні. Бұл есте қаларлық күн жыл сайын мамырдың үшінші жексенбісінде ЖИТС-пен ауыратын науқастар мен АИТВ-инфекциясын тасушылардың мәселелеріне әлемдік жұртшылықтың назарын аудару, АИТВ-мен өмір сүретін адамдармен ынтымақтастық білдіру мақсатында өткізіледі.
Еске алу күні қарсаңында Павлодар облысында ЖИТС-тен қайтыс болғандарды еске алу ғана емес, сонымен қатар қоғамды АИТВ-инфекциясы мәселесі әрқайсымызға әсер етуі мүмкін деп ойлауға мәжбүрлеу мақсатында ақпараттық-түсіндіру іс-шаралары өтті.
Облыстық АИТВ-инфекциясының алдын алу жөніндегі орталығының мамандары М. Қанапьянов атындағы жоғары колледж жастарымен кездесіп, қаланың қоғамдық орындарында түсіндіру жұмыстарын жүргізді. Ал 17 мамырда Орталықтың аумағында ЖИТС-тен қайтыс болғандардың есімдері мен жасы жазылған квилттер ілінді. Орталықтың өзінде Ашық есік күні өтті, сол күні әр адам дәрігерден кеңес алып, өзінің мәртебесін тексере ала алды.