АИТВ инфекциясына шұғыл тестілеуді өткізу бойынша оқыту семинары
Павлодар облыстық АИТВ инфекциясының алдын алу жөніндегі орталығында орталықтың медицина қызметкерлері-эпидемиологтар, зертхана мамандары және сенім пункттерінің қызметкерлері үшін оқыту семинары өтті. АИТВ-ға шұғыл тестілеудің өзекті мәселелері, шұғыл-тесттің сапасына сыртқы бақылау жүргізу тәртібі қарастырылды, инъекциялық есірткіні (АИТВ-ға, В және С гепатитіне, мерезге шұғыл тестілеу) қолданатын адамдар арасында биоқауіпсіздік зерттеулерінің серологиялық кезеңі егжей-тегжейлі талданды.
Тәжірибелік бөлім барысында семинарға қатысушылар іс-әрекеттерге кезең-кезеңмен түсініктеме беріп, қателіктерге назар аудара отырып, қан жинады.
Облыстық АИТВ инфекциясының алдын алу жөніндегі орталығы диагностикалық зертханасының меңгерушісі М.Б. Жұматаева және сапа менеджері М.И. Темірғалина медициналық манипуляцияларды бақылап, түсініктеме берді. Жұмыс орнын дайындауға, реагенттердің жарамдылық мерзіміне, нәтижелерді қалай дұрыс оқуға, деректерді толтыруға және т. б. ерекше назар аударылды.