06.02.2024 ж. Рәміздерді құрметтеу – баршаға парыз
Мемлекеттік рәміздер – бұл кез-келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Қазақстан Республикасында Мемлекеттік ту, мемлекеттік елтаңба және Мемлекеттік гимн мемлекеттік рәміздер болып табылады.
«Рәміздерді қасиеттеп, құрметтеу» тақырыбында Б.Момышұлы атындағы №1 мектеп-гимназиясының 1 «ә» сынып оқушыларымен ашық сабақ өтті. Ашық сабақта балалар мен жасөспірімдер кітапханасының қызметкері А. Бектас балаларға рәміздердің не екенін жан-жақты түсіндіріп берді. Тақтаға ілінген көрнекіліктер арқылы елтаңба, ту, әнұранға талдау жасады. Балалар да өз кезегінде рәміздерде бейнеленген белгілерді дұрыс тауып, қойылған сұрақтарға белсене жауап берді. – Рәміздерді қасиеттеп, құрметтейміз, - дейді егеменді еліміздің еркін ұландары өз сөздерінде.
