Ұлттық құндылық – әр отбасының байлығы
Абай облысы білім басқармасы мен «Отбасы хрестоматисы» қоғамдық қоры арасындағы меморандум аясында Жарма ауданының Ұзынжал, Қоңырбиік және Кіші-Қарасу ауылдарында мұғалімдер мен ата-аналарға дәріс өткізілді. Шараны «Отбасы хрестоматисы» қоғамдық қорының өкілі Бекзат Нұртай жүргізді.
Дәрісте ұлттық құндылықтардың бала тәрбиесіндегі рөлі, отбасы мен қоғамдағы маңызы жан-жақты талқыланып, қатысушыларға «Отбасы хрестоматисы» кітаптары таныстырылды. Кітаптардың әрбір отбасының тәрбиелік және рухани дамуына қосар үлесі ерекше атап өтілді.
Қатысушылар дәріске үлкен ықыласпен қатысып, кітаптарға қызығушылық танытты. Шара барысында ұлттық дәстүрлерді насихаттау, отбасылық құндылықтарды дәріптеу және ұрпаққа салауатты тәрбие беру бағытында пікір алмасу жүргізілді.
Бұл іс-шара – ұлттық құндылықтар мен отбасы тәрбиесін насихаттаудағы маңызды қадам, әрі мектеп пен отбасы арасындағы өзара байланыс пен ынтымақтастықты нығайтуға бағытталған мәнді бастама болды.