⚜️12 ақпан күні Әдістемелік орталық ұйымдастырған семинар-тренингке «Алматыкітап баспасы» баспа үйінің вице-президенті Гүлнұр Құдайберген және 7–8 сыныптар үшін биология оқулығының авторы Құндыз Балапанова қатысты.
12 ақпан күні Әдістемелік орталық ұйымдастырған семинар-тренингке «Алматыкітап баспасы» баспа үйінің вице-президенті Гүлнұр Құдайберген және 7–8 сыныптар үшін биология оқулығының авторы Құндыз Балапанова қатысты. Іс-шара аралас форматта — офлайн және онлайн өткізілді, бұл қатысушылардың кең қамтылуын қамтамасыз етіп, кәсіби диалогқа қолайлы жағдай жасады.
Кездесу барысында облыстың педагогтері 4 сыныпқа арналған оқулықтармен, сондай-ақ 7–8 сыныптар үшін биология оқулығымен танысты. Қатысушылар оқулықтардың мазмұны мен құрылымына толық түсінік алды. Ұсынылған басылымдар оқушылардың функционалдық сауаттылығын дамытуға, сыни ойлау мен тәжірибеге бағытталған дағдыларды қалыптастыруға арналған. Оқулықтардың әдістемелік ерекшеліктері, жаңартылған білім беру талаптарына және заманауи оқыту тәсілдеріне, сәйкестігіне ерекше назар аударылды.
Сондай-ақ педагогтер Қазақстан Республикасының Президенті жариялаған Цифрландыру және жасанды интеллект жылы аясындағы бастамалар шеңберінде «Алматыкітап баспасы» баспасының TopIQ.KZ платформасында әзірленген мұғалімдерге арналған «Qamgor» онлайн-көмекшісімен танысты.
Қорытындылай келе, сапалы білім берудің және оқушылардың функционалдық сауаттылығын дамытудың негізі ретінде оқулықтарды дұрыс таңдаудың маңыздылығы атап өтілді. Соңғы шешім әрбір мұғалімнің өзіне тиесілі.