«Білім — болашаққа апарар ең сенімді жол»
«Білім — болашаққа апарар ең сенімді жол»
2026 жылғы 22 сәуірде Есіл ауданында «Ауыл мектебі – сапа алаңы» республикалық жобасын іске асыру аясында «Тірек мектеп: тәжірибе, әдіс, нәтиже» тақырыбында облыстық кустық семинар өтті. Аталған іс-шара кәсіби диалог пен тәжірибе алмасудың тиімді алаңына айналды.
Семинар жұмысына мектеп директорлары, олардың орынбасарлары және педагогтер қатысты.
Қатысушыларға мазмұнды бағдарлама ұсынылды:
🔹 мектептің оқу-тәрбие үдерісіне терең бойлауға мүмкіндік беретін танымдық экскурсия ұйымдастырылды;
🔹 заманауи цифрлық технологияларды қолдана отырып онлайн-сабақтар өткізілді;
🔹 «STEM – зерттеу және инновациялар кеңістігі» алаңында оқушылар теория мен практиканың байланысын айқын көрсететін жобаларын таныстырды;
🔹 педагогикалық шеберлік панорамасы аясында тиімді білім беру тәжірибелері, инновациялық оқыту әдістері, цифрлық құралдар және пәнаралық ықпалдастық үлгілері ұсынылды.
Семинар қорытындысы бойынша қатысушылар оның практикалық маңыздылығы мен өзектілігін атап өтті. Осындай өзара іс-қимыл форматтары педагогтердің кәсіби құзыреттілігін дамытуға, озық тәжірибені таратуға және білім сапасын арттыруға ықпал етеді.