Құрметті ата-аналар!
Құрметті ата-аналар!
2025–2026 оқу жылының аяқталуына байланысты мектепте өткізілетін маңызды іс-шаралар туралы хабарлаймыз.
🔹25 мамыр күні барлық сыныптарда «Білімім – Отаныма» тақырыбында бірыңғай сынып сағаттары өткізіледі. Сынып сағаты өскелең ұрпақты патриотизмге, бірлік пен татулық, жалпыұлттық құндылықтар рухында тәрбиелеуге, сонымен бірге Халықтық Конституцияның маңыздылығын насихаттауға, заң мен тәртіпті нығайтуға арналады.
🔹26.05.-28.05.2026ж. аралығында 5–10 сыныптарда аралық емтихандар өткізіледі.
🔹29.05.-10.06.26ж. күндері негізгі орта мектепті бітіруші 9-сынып оқушылары үшін мемлекеттік емтихандар өтеді.
🔹02.05-15.06.26ж. 11-сынып бітірушілері үшін мемлекеттік емтихандар ұйымдастырылады.
Осы кезеңде оқушылардың өмір қауіпсіздігін сақтау мақсатында мектеп әкімшілігі төмендегідей талаптардың қатаң сақталуын сұрайды:
1) Аралық, мемлекеттік емтиханға оқушылардың кешікпей келуі талап етіледі.
2) 4, 9, 11-сынып оқушыларының ата-аналары тарапынан мектепке, мұғалімдерге сыйлықтар, жөндеу жүргізуге, құрал-жабдықтар мен жиһаздарды сатып алуға басқада мақсаттарға ақшаны жинауға тыйым салынады.
3) Мейрамханаларда, кафелерде салтанатты дастархан ұйымдастыруға, автокөліктер жалдап, шерулер өткізуге қатаң тыйым салынады.
4) Мектептен тыс бейресми мерекелік іс-шаралар өткізуге қатаң тыйым салынады.
Бұл талаптардың барлығы оқушылардың өмір қауіпсіздігін қамтамасыз етуге, құқық бұзушылықтың алдын алуға және мерекелік іс-шараларды қауіпсіз әрі тәрбиелік бағытта ұйымдастыруға негізделген.
Балалардың қауіпсіздігі мен болашағына жауапкершілікпен қарап, мектеппен бірлесе жұмыс жасайды деп сенеміз.
Құрметпен,
Мектеп әкімшілігі