Республика күніне орай «Кітап оқитын ұлт» республикалық марафоны аясында «Саған кітап арнадым» акциясы басталады.
Қалай қатысуға болады?
Республика күніне орай «Кітап оқитын ұлт» республикалық марафоны аясында «Саған кітап арнадым» акциясы басталады.
Акцияның мақсаты — кітап оқуды және кітап сыйлау мәдениетін насихаттау, өзін-өзі дамытуға деген ұмтылысты қолдау және біліммен бөлісу.
Акцияның идеясы қарапайым: жақын адамыңызға жылы тілек жазылған кітап сыйлап, осы сыйлықтың тарихымен бөлісу.
Қалай қатысуға болады?
📖 1. Кітап таңдаңыз.
Жаңа кітап немесе жеке кітапханаңыздағы жақсы сақталған кітапты сыйлауға болады. Мүмкіндігінше «Кітап оқитын ұлт» марафонының тізіміндегі шығармаларды таңдауды ұсынамыз.
✍️ 2. Жылы тілек жазыңыз.
Кітаптың алғашқы таза бетіне жылы лебізіңізді жазыңыз немесе ішіне қолтаңбаңыз қойылған құттықтау ашықхатын салыңыз. Сыйлықтың кімге және кімнен екенін көрсетіп, неліктен дәл осы кітапты таңдағаныңызды түсіндіріңіз.
🎁 3. Кітапты сыйлаңыз.
Кітапты жақын адамыңызға, досыңызға, әріптесіңізге немесе оқушыңызға табыстаңыз. Оқушылар кітапты сыныптасына немесе досына сыйлай алады.
📸 4. Сыйлықтың тарихымен бөлісіңіз.
Кітапты табыстау сәтін фотоға немесе қысқа бейнеге түсіріп, шағын әңгіме дайындаңыз: кітапты кімге сыйладыңыз, неліктен оны таңдадыңыз және қандай тілек жаздыңыз?
📩 Мектептің Instagram парақшасында жариялауға арналған материалдарды директордың тәрбие ісі жөніндегі орынбасарларына жеке хабарлама арқылы жолдаңыздар.
✨ Республика күнін игі іспен атап өтейік: кітап сыйлап, біліммен бөлісіп, бір-бірімізді кітап оқуға шабыттандырайық!